Napilian ang black comedy-drama film nga “Filipiñana” bilang opisyal nga entry sang Pilipinas para sa Best International Feature Film sa 2027 Oscars.
Ini nga obra ang ginsulat kag gin-direct ni Rafael Manuel.
Samtang, ginbidahan naman ni Jorrybell Agoto ang ini nga pelikula kun sa diin gintungdan sini ang pagkinalain sang kahimtangan sang mga tawo sa sosyodad, paagi sa istorya sang isa ka dalaga nga nagaobra sa isa ka golf course.
Gin-anunsyo sang Film Academy of the Philippines ang pagpili matapos ang ila deliberasyon.
Ginapaabot nga ipagwa ang shortlist sa Disyembre 15, samtang ipahibalo naman ang mga final nominees sa Enero 21, 2027.
Pagahiwaton ang 2027 Oscars sa Marso 14, 2027.
Luwas sa “Filipiñana,” may duha pa ka entry ang Pilipinas kun sa diin nalakip ang “58th” para sa Best Documentary Feature kag ang “Agapito” para sa Best Live Action Short Film.
