Tinguhaan sang Filipinas nga malutos ang Hongkong sa 2024 Asian Football Confederation (AFC) Women’s Olympic Qualifying Tournament karon sa gab-i sa Hisor Central Stadium sa Tajikistan.
Nagapanguna subong ang Pilipinas sa Group E bangud sa goal differential matapos nadag-an ang duha ka hampang batok sa Pakistan kag host nga Tajikistan.
Daog man ang Hong Kong sa una nga duha ka hampang batok sa amo man nga squads, apang naka-skor lamang sang lima ka goals nga mas manubo ipaanggid sa 12 sang Pilipinas.
Kun sin-o nga team ang magapanguna sa grupo amo lamang ang magaabanse sa second round sang qualifiers kag magaupod sa teams sang Australia, Japan, China, South Korea, kag North Korea.
Mangin si Filipinas coach Alen Stajcic ang nagasiling nga close game ang matabo 7:00 karon sa gab-i apang kumpyansa sya nga makuha ini sang Pilipinas.
Ika-79 ang Hong Kong sa world ranking samtang ika-49 naman ang Pilipinas.Nakaatubangay man anay ang duha ka pungsod sa AFC Women’s Asian Cup Qualifiers sang September 2021 apang daog ang Filipinas, 2-1. ##
