ILOILO CITY – Liwat nga ginlutos sang Philippine women’s football team ang Chinese Taipei sa ila pag-atubangay sa AFC Women’s Olympic Qualifying Tournament sa Perth Rectangular Stadium.
Ang duha ka goals ni Sarina Bolden, ang naga-isahanon nga Filipina nga naka-score sa 2023 FIFA Women’s World Cup, ang nagbulig sa Pilipinas sa ila 4-1 win batuk sa Chinese Taipei.
Ang kadalag-an nga ini ang nagpabaskog pa sa confidence sang Filipinas samtang nagahanda sa mas mabaskog nga kontra nga amo ang Australia.
Magluwas kay Bolden, naka-score man sanday Katrina Guillou sa 60th minute kag Chandler McDaniel sa 89th minute.
Antes sini, gin-eliminate sang Filipinas ang Chinese Taipei squad sa quarterfinals sang 2022 AFC Women’s Asian Cup nga amo ang nangin lyabe sang Pilipinas sa historic first Women’s World Cup appearance.
