Matakos ang abilidad sang Philippine national women s football team sa pag-atubang sini sa Thailand sa katapusan nga elimination game sa Group A sang 2022 ASEAN Football Federation Women s Championship sa Rizal Memorial Football Stadium karon sa gab-i.
May apat na ka sunod-sunod nga daog ang Filipinas kag amo subong ang nagauyat sang top semifinal berth sa Group A.
Magapamuno naman sa Thais si Ploychompoo Somnonk, isa sa best scorers sang team nga nagbitbit sa ila sa finals kag silver-medal finish sa 31st Southeast Asian Games duha ka bulan na ang nagligad.
Ang duha ka iban pa nga Thai scorers nga sanday Alisa Rukpinij kag Tipkrita Onsamai amo ang ginakabig man nga daku nga pamahog sa Filipinas sa ila handum nga maangkon ang lima ka asud-asud nga kadalag-an.
Matandaan nga sang Domingo, ginpyerde sang Thailand ang Malaysia, 4-0, kag rason nga naka-secure sang second semifinal berth nga may rekord nga 3-1-0 win-draw-loss.
Target naman sang Pilipinas nga makatimalos bangud kun madumduman, ang Thailand man ang nagpyerde sa Pilipinas, 3-0, sa semis sa Southeast Asian Games.
