Nagtakop ang 2022 campaign sang women’s football team sang Pilipinas paagi sa pagpaulan sang goals kag paglutos sa Papua New Guinea, 9-0, sa international friendly game sa Wanderers Football Park sa Sydney, Australia.
Diri nga hampang una nga naka-hat trick si Quinley Quezada sa iya nga football career ukon ang pag-skor sang tatlo ka goals sa isa lamang ka game.
Duha ka beses naman nga naka-skor si Katrina Guillou.
Daku ini nga kadalag-an sa Filipinas bangud yara sa ika-51 nga pwesto ang Papua New Guinea sa women’s world rankings, mas mataas sa ranking sang Pilipinas.
Ini ang ikaduha nga bes nga nalutos sang Pilipinas ang Papua New Guinea kasunod sang ila una nga pagsumpunganay sang Disyembre 11 nga nagtakop sa skor nga 5-1 pabor sa Filipinas.
Suno kay Coach Alen Stajcic, ini ang ika-29 kag ika-30 nga match sang Filipinas subong nga 2022.
Maragtason ini nga tuig para sa Pilipinas bangud subong sila naa-qualify para sa 2-23 Fifa Women’s World Cup kag subong man nga tuig naangkon ang kampyeonato sa Asean Football Federation Women’s Championship.
Nangin bronze medalists man ang Pilipians sa Southeast Asian Games sa Vietnam subong nga 2022.
