Handa na para sa 2022 Beijing Winter Olympics giant slalom competition ang Filipino alpine skier nga si Asa Miller.
Ini nga competition ang patigayunon subong nga adlaw sa National Alpine Skiing Centre sa Yanqing, China.
Suno kay Miller, ipagwa sini ang iya nga “best” kag magapabilin nga relaxed agud nga malumpawasan ang challenging slopes sang Xiaohaituo Mountain.
Nagpalab-ot naman sang suporta kay Miller ang mga nauna na nga Pinoy Olympian nga nag-compete sa Winter Olympics nga si Ben Nanasca kag Juan Cipriano.
Si Nanasca ang nagpartisipar man sa men’s giant slalom sang ini ang nag-compete sang 1972.
Isa pa ka Filipino Olympian nga si Michael Teruel ang nagpalab-ut man sang iya nga suporta.
Si Teruel ang nakakuha sang place nga ika-71st sa giant slalom kag 49th sa slalom sa Albertville 1992 Winter Olympics.
Nagapati ang mga nauna nga Olympians nga mangin manami ang performance si Miller.
Nahibaluan nga maga-compete si Miller sa men’s giant slalom umpisa las 10:00 subong nga aga, Pebrero 13, kag magabalik pagkatapos sang tatlo ka adlaw ukon sa Pebrero 16, para sa men’s slalom event nga maga-umpisa man takna las 10:00 sa aga.
Siya ang naga-isahanon nga atleta nga ginpadala sang pungsod para sa 2022 Winter Olympics.
