Ginpaguwa sang Department of Education ang DepEd Order No. 020, s. 2025 nga naga-mando nga ang Filipino kag English na ang gamiton nga primary mode of instruction halin Kindergarten tubtob Grade 3.
Samtang, ang mga regional nga linggwahe himuon nga auxiliary media of instruction, para buligan ang mga kabataan nga mas maayo nga makasugpon halin sa ila first language pakadto sa Filipino kag English.
Para naman sa mga deaf kag hard-of-hearing nga estudyante, gamiton ang Filipino Sign Language.
Nadala sini ang tanan nga elementary schools public, private, state universities and colleges (SUCs), local universities and colleges (LUCs), and Philippine Schools Overseas (PSOs).
Suno sa DepEd, ang bag-o nga polisa ginbalay para masiguro nga ang ginagamit nga linggwahe sa pagtudlo nagakonekta kag wala nagapabudlay sa pagtuon sang mga kabataan.
Ang order epektibo sa 15 ka adlaw matapos ang pag-publish kag approval sini.
