Napaslawan si Filipino mixed martial artist Eduard “Landslide” Folayang sa kamot sang Chinese fighter nga si Zhang “The Warrior” Lipeng pinaagi sa unanimous decision sa ONE: BattleGround II nga ginhiwat sa Singapore.
Sa una nga round pa lang, nagpakita na sang manami nga performance ang Chinese fighter sa diin na-trap pa niya si Folayang pinaagi sa leg scissor magluwas pa sa pagpa-ulan sang mga asud-asud nga sumbag.
Nakabawi man si Folayang sa mga sunod nga rounds apang naigo-an ini sang solid left kick ni Zhang sa iya mismo nawong.
Ini na ang ika-apat nga sunod-sunod nga pagkapyerde sang 37 anyos nga Team Lakay fighter.
Bangud sini, may yara na siya sang record nga 22 wins kag 12 loses samtang ang Chinese fighter naman ang may yara sang 31 wins, 11 loses kag 2 draws.
