Nagapangaduha ang mga estudyante nga Pinoy halin sa pinakaulihi kun “creative thinking” ang pagahambalan.
Base ini sa pinakaulihi nga report nga ginpaguwa sang Programme for International Student Assessment (PISA).
Ini nga global assessment nga ginpatigayon sang 2022 amo ang nag-takos sang creative thinking skills sang 15-anyos nga mga estudyante sa 64 ka mga pungsod kag teritoryo.
Ini man ang labing-una nga creative thinking assessment sa idalom sang Organisation for Economic Co-operation and Development (OECD) PISA.
Sa resulta sang pagtuon, naka-skor ang Pilipinas sang average nga 14 points nga ikaduha sa pinakamanubo suno sa Albania nga may 13 mean score. Ang OECD ang may yara sang average nga 33 points.
Patas ang Pilipinas sa Uzbekistan nga may 14 points samtang ang Morocco kag Dominican Republic ang pareho nga naka-skor sang 15.
Nagpangibabaw naman sa sini nga creative thinking assessment ang Singapore, South Korea, Canada, Australia, New Zealand, Estonia, kag Finland.
Ini nga resulta sang pagtuon ang nagapakita nga tuman ka daku nga naglab-ot sa 28 score points ang deperensya sa performance sa creative thinking sa tunga sang highest-performing kag lowest-performing countries.
Buot silingon, less than 3 sa kada 100 students sa lima ka best-performing countries ang naga-perform around or below sa mean sang lima sa lowest performing countries lakip na ang Pilipinas.
Ginahulat ang mangin komento sang Department of Education sa sini nga report.
Sang 2022 PISA results, matandaan nga ika-anum sa lowest ang Pilipinas sa 81 countries and economies nga nagpasakop sa amo nga pagtuon kun sa diin nakit-an gid nga mahina ang Filipino learners sa reading, math, kag science.
