MANILA – Nangin mahapos para sa Filipino kag World No. 2 online karateka nga si James “OJ” delos Santos ang paglab-ot sang kampeyonato sa e-Champions Trophy World Series #1.
Ini matapos nga nagpakita sang isa na naman ka golden performance si delos Santos nga tumandok sang Cebu kag ginlutos si Taylor Scott sang Canada sa semifinals.
Nagdaug si delos Santos matapos nga gin-reject ang video entry ni Scott kag ini na ang ika-anum nga bulawan nga medalya sang 30 anyos nga Filipino Karateka athlete.
Bangud sini, ang anay Southeast Asian Games double bronze medalist ang nahatagan sang free ride sa finals batok kay Domont Matias Moreno sang Switzerland.
Ang resulta sang championship round ang mahibalu-an subong nga adlaw, Setyembre 6.
Sang nakaligad lamang nga apat ka bulan, nakakuha sang madamo nga medalya si delos Santos sa 13 ka tournaments.
