Naglab-ot na sa 13,543 nga mga Filipino ang na-infect sang COVID-19 sa luwas sang pungsod base sa rekord sang Department of Foreign Affairs (DFA) matapos madugangan ini sang tatlo.
Nadugangan man sang 10 ka mga Filpino ang nakarecover gikan sa balatian sa diin may yara na sang 8,627 ang kabug-usan nga nag-ayo samtang ang death toll ang nagapabilin sa 935.
Samtang may yara pa sang 3,981 ka mga pasyente nga padayon nga ginabulong sa subong.
Sa data sang ahensya, nagapakita nga 2,731 ang kaso sang Asia and the Pacific region sa diin 786 ka mga pasyente ang ginabulong. May yara man ini sang 1,924 recoveries kag 21 ang patay.
Sa Middle East ukon Africa, 7,836 Filipinos ang nagpositibo sa COVID-19 sa diin 2,543 ang padayon nga ginabulong . May yara ini sang 4,691 nga mga nag-ayo na sa balatian samtang 602 ang nagtaliwan.
Sa bahin sang Europa, 2,170 ang kaso kag 573 pa sa mga pasyente ang ginabulong. Ang mga nag-ayo ang naglab-ot na sa 1,479 kag 118 ang mga napatay.
806 naman ang kaso sang COVID-19 sa Estados Unidos sa diin 79 pa ang padayon nga ginabulong. 533 ang naka-recover na kag 194 naman ang nagtaliwan.
