Final decision sang Comelec sa voter registration, istoryahan subong

Magasapol pa subong nga adlaw, Septyembre 29, ang Commission on Elections (Comelec) en banc agud nga istoryahan ang pagpalawig sang voter registration para sa 2022 elections.

Sa interview sang Bombo Radyo kay Atty. Wilfred Jay Balisado, director sang Comelec Region VI, iya ginpahayag nga hulaton lang sang regional office ang guidelines nga ihatag sang central office.

Hulaton man suno sa iya ang dokumento ukon ang resolution sang en banc commissioners agud mahibaluan kun tubtub san-o gid ang extension sang registration.

Una diri, in behalf sang Comelec, una na nga ginkumpirma na ni Surigao del NorteRep. Francisco Matugas II nga tubtob sa Oktubre 31 ang extension sang rehistrasyon.Ini nga impormasyon ang ginkumpirma man ni Senator Imee Marcos, chair sang Senate electoral reforms panel.