Balantayan ‘las kuatro karon sa hapon ang ikaanum kag katapusan nga State of the Nation Address (SONA) ni Presidente Rodrigo Duterte.
Ini ang ikaduha nga SONA ni Duterte sa tunga sang COVID-19 pandemic.
Patigayunon ang speech sang presidente sa Batasang Pambansa kun sa diin may yara sang magatambong sang pisikal kag may yara man sang virtual.
Walo ka mga senador ang pisikal nga magatambong sa SONA nga ginalakipan nanday Senate President Vicente Sotto III, Senate Majority Leader Juan Miguel Zubiri, kag Senators Ronald “Bato” dela Rosa, Sherwin Gatchalian, Christopher “Bong” Go, Imee Marcos, Ramon “Bong” Revilla Jr. kag Francis Tolentino.
Imbitado man nga personal nga magtambong sa SONA si Vice President Leni Robredo apang indi siya qualified sa attendees bangud indi pa siya fully-vaccinated rason nga virtual lang ang iya nga pagpamati.
Ginapahayag nga magalawig sang kapin isa ka oras ang SONA ni Duterte.
Bantayi diri sa Bombo Radyo Iloilo ang update sang katapusan nga SONA ni Presidente Duterte.
