ILOILO CITY- Ginaengganyo sang Commission on Elections (COMELEC) ang rehistrado nga mga botante, mga political candidates ukon grupo nga mangin kabahin sang patigayunon nga final testing and sealing (FTS) sang mga Vote Counting Machines (VCMS) sa Sabado, Mayo 7,2022.
Sa interview sang Bombo Radyo kay Atty. Wilfred Jay Balisado, director sang COMELEC Region 6, iya ginpahayag nga dululungan ini nga hiwaton sa tanan nga polling places sa bilog nga Western Visayas.
Suno kay Balisado, 10 ka mga botante ang hatagan sang kahigayunan nga masaksihan ang pag-assemble sang VCM, maka-boto sang aktual, kag magulo ang balota sa machine.
Pahayag niya, importante ini nga aktibidad agud malantaw ang functionality sang VCM nga gamiton sa adlaw sang eleksyon, kag kun may makit-an nga problema, gilayon ini nga maresolba.
