Patigayunon na subong nga adlaw ang finals sang Miss Eco International pageant sa Cairo, Egypt.
Lakip sa 45 ka delegates amo ang pambato sang Pilipinas nga law student kag part-time model nga si Chantal Elise Legaspi Schmidt, 22.
Nagataas ang Filipino-German beauty queen sang 5 feet, 10 inches kag opisyal nga ginkoronahan bilang Miss Eco International Philippines 2024 sa official press presentation sang Miss Universe Philippines 2024 sang nagligad nga Pebrero.
Dalayawon ang background sini bangud nabun-ag siya sa Hong Kong apang nakapuyo sa Australia, Bacolod, Germany, Hong Kong, Cebu, kag Manila.
May ginauyatan man ini nga Bilingual International Baccalaureate Diploma in German and English halin sa Cebu International School.
Antes ang preliminary competition, naglain pa ang pamatyag sang kandidata sang Pilipinas apang siya ang nangin winner sang Best in Evening Gown.
Pananglitan magdaog subong nga edition, siya ang ikatatlo nga makadala sang Miss Eco International crown sa Pilipinas kasunod sanday Kathleen Paton kag Cynthia Thomalla.
