Patigayunon na subong nga adlaw ang koronasyon sang Miss Grand International 2024.
Isa sa mga ginabantayan amo si CJ Opiaza nga nagatuyo nga makuha ang labing-una nga MGI crown para sa Pilipinas.
Sa final hot picks sang leading beauty pageant website nga Missosology, nagapangaduha si CJ kay Rachel Gupta sang India samtang pangatlo naman si Susana Medina sang Mexico.
Ang nagakumpleto sa Top 5 sa amo nga lista amo sanday Arlette Rujel sang Peru kag si Thae Su Nyein sang Myanmar.
Ang iban pa nga mga pungsod nga yara sa lista amo ang Brazil, Venezuela, Indonesia, Mexico, France, Colombia, Curacao, Japan, angS Virgin Islands, Puerto Rico, United Kingdom, Dominican Republic, Malaysia, Thailand, Angola, Vietnam, Paraguay, Cameroon, New Zealand, kag Gibraltar.
Septyembre lamang sang ginkoronahan si CJ diri sa Pilipinas kag nag-abot sa Thailand sa temprano nga bahin subong nga Oktubre.
Napabilib sini pati si MGI president Nawat Itsaragrisil sa iya Grand Voice performance. Sa national costume competition, ginbida sini ang national leaf nga anahaw nga may green and gold ensemble kag may matching headdress nga himo ni Patrick Isorena.
