ILOILO – Amat-amat na nga napanghatag ang financial assistance sa mga Local Government Unit sa probinsya sang Iloilo.
Sa interview sang Bombo Radyo kay Provincial Administrator Atty. Suzette Mamon, iya ginpahayag nga ang tagsa ka Local Government Unit ang magabaton sang P1 Million apang may yara sang dugang nga kantidad ang mga lugar nga may yara sang kaso sang Coronavirus Disease 2019 (COVID-19).
Suno kay Mamon, una nga nahatagan amo ang New Lucena, Leganes, San Miguel, Miagao, San Joaquin kag Guimbal.
Ginpahayag ni Mamon nga nakahanda naman ang cash assistance nga igahatag sa iban pa nga Local Government Unit sa probinsya sang Iloilo.
Ang nasambit nga kantidad ang ibakal sang Personal Protective Equipment, alcohol, disinfectant kag food packs.
