Arevalo, Iloilo City – Magabaton sang financial assistance ang mga residente nga nahalitan sang buhawi sa distrito sang Arevalo sa Iloilo City.
Sa interview sang Bombo Radyo kay Teresa Gelogo, City Social Welfare Develoment Officer, iya ginpahayag nga 10,000 ang mabaton sang totally damaged kag P7,000 naman ang partially damaged.
Suno kay Gelogo, nakahatag naman sila sang pagkaon sa mga apektado nga residente.
Posible man suno sa natungdan nga may ihatag man nga ayuda ang Department of Social Welfare and Development sa mga nahalitan sang bagyo.
Sa subong, nagapabilin sa mga evacuation centers ang mga residente nga nadulaan sang pamalay.
