ILOILO CITY – Dako ang posibilidad nga magsulod sa North Atlantic Treaty Organization (NATO) ang pungsod Finland suno sa isa ka Finnish cabinet.
Suno kay Finland European Affairs Minister Tytti Tuppurainen, iya ginpahayag nga ang Nordic nations ang madesisyon nga magsulod sa NATO sini nga mga senimana.
Apisar nga wala pa sang desisyon ang pungsod, dako naman ang posibilidad nga magsulod ini bilang myembro sang NATO.
Suno naman kay Maria Zakharova, director sang Information and Press Department of the Ministry of Foreign Affairs of the Russian Federation, iya ginpahayag nga dapat nahibaluan sang Finland ang mangin epekto sa bilateral relations sa tunga sang duha ka pungsod kag ang mangin epekto sini sa seguridad sang European.
Suno sa mga analysts, ang Finland ang mapasa na sang bid sa NATO sa maabot nga Hunyo.
Ang membership bid ang dapat nga batunon sang tanan nga 30 ka state sang NATO kun sa diin, magalawig ang proseso sa apat ka bulan tubtob sa isa ka tuig.
