ILOILO CITY – Nagsaka sang 25% ang fire cases nga na rekord sang Bureau of Fire Protection (BFP) sa bug-os nga syudad sang Iloilo.
Sa interview sang Bombo Radyo kay SFO1 Edison Gimotea, arson investigator sang BFP-Iloilo, iya ginpahayag nga sang tuig 2018, 185 fire cases lamang ang na rekord sa bulan sang Pebrero tubtob Mayo.
Apang santu sa ila nga datos subong nga tuig, nagdangat na sa 249 ka mga fire cases ang na rekord sa kaangay man nga bulan.
Suno kay Gimotea, may yara pa sang posibilidad nga magsaka pa ang mumero sang sunog sa syudad.
Ini bangud nga nagadamo lang ang mga balay nga naga ikit-ikit.
Panugyan ni Gimotea sa publiko, mangin responsable nga pumuluyo sa tagsa ka mga lugar sa diin siguraduhon nga wala sang mga mapabay-an nga kuryente kag mga niluto.
Nagapangabay ang BFP sa mga pumuluyo sa syudad nga mag binuligay agud nga malikawan ang sunog.
