Ginpangbuno sang pila ka mga residente ang fire hose sang Bureau of Fire Protection sang nagapadayun ang sunog kagab-i, Sept. 1, 2026, sa Veterans Village, City Proper.
Base sa Facebook post ni Xiao Zhong Hua, tatlo ka brand new fire hose ang naapektuhan sang pagpangbuno sang kutsilyo sang mga residente sa paglaum nga mapadasig sang mga ini ang pagpalong sang kalayo.
“𝘐𝘵 𝘪𝘴 𝘥𝘦𝘦𝘱𝘭𝘺 𝘤𝘰𝘯𝘤𝘦𝘳𝘯𝘪𝘯𝘨 𝘵𝘩𝘢𝘵 𝘵𝘩𝘳𝘦𝘦 𝘣𝘳𝘢𝘯𝘥-𝘯𝘦𝘸 𝘧𝘪𝘳𝘦 𝘩𝘰𝘴𝘦𝘴 𝘸𝘦𝘳𝘦 𝘥𝘦𝘭𝘪𝘣𝘦𝘳𝘢𝘵𝘦𝘭𝘺 𝘴𝘵𝘳𝘶𝘤𝘬 𝘸𝘪𝘵𝘩 𝘢 𝘬𝘯𝘪𝘧𝘦 𝘴𝘪𝘮𝘱𝘭𝘺 𝘵𝘰 𝘳𝘦𝘥𝘪𝘳𝘦𝘤𝘵 𝘸𝘢𝘵𝘦𝘳 𝘵𝘰𝘸𝘢𝘳𝘥 𝘯𝘦𝘢𝘳𝘣𝘺 𝘩𝘰𝘮𝘦𝘴 𝘵𝘩𝘢𝘵 𝘸𝘦𝘳𝘦 𝘰𝘯 𝘧𝘪𝘳𝘦.”
Suno sa iya, tuman ka importante ang nasambit nga equipment para sa mga fire personnel kag tuman man ini ka mahal kun baklun.
Makaapekto man ini sa kapasidad sang mga bombero sa pagpatay sang kalayo.
Nagpahanumdom si Hua sang importansya sang equipment sang ahensya ilabi na sa tion sang emergency nga mahimo pa magbutang sa peligro sa mga residente kag sa mga responders.
“𝘌𝘷𝘦𝘳𝘺 𝘴𝘦𝘤𝘰𝘯𝘥 𝘢𝘯𝘥 𝘦𝘷𝘦𝘳𝘺 𝘱𝘪𝘦𝘤𝘦 𝘰𝘧 𝘦𝘲𝘶𝘪𝘱𝘮𝘦𝘯𝘵 𝘪𝘴 𝘤𝘳𝘪𝘵𝘪𝘤𝘢𝘭 𝘥𝘶𝘳𝘪𝘯𝘨 𝘢 𝘧𝘪𝘳𝘦 𝘦𝘮𝘦𝘳𝘨𝘦𝘯𝘤𝘺. 𝘋𝘢𝘮𝘢𝘨𝘪𝘯𝘨 𝘵𝘩𝘳𝘦𝘦 𝘣𝘳𝘢𝘯𝘥-𝘯𝘦𝘸 𝘧𝘪𝘳𝘦 𝘩𝘰𝘴𝘦𝘴 𝘪𝘴 𝘯𝘰𝘵 𝘰𝘯𝘭𝘺 𝘤𝘰𝘴𝘵𝘭𝘺 𝘣𝘶𝘵 𝘤𝘢𝘯 𝘢𝘭𝘴𝘰 𝘱𝘶𝘵 𝘧𝘪𝘳𝘦𝘧𝘪𝘨𝘩𝘵𝘦𝘳𝘴, 𝘳𝘦𝘴𝘪𝘥𝘦𝘯𝘵𝘴, 𝘢𝘯𝘥 𝘵𝘩𝘦 𝘦𝘯𝘵𝘪𝘳𝘦 𝘤𝘰𝘮𝘮𝘶𝘯𝘪𝘵𝘺 𝘢𝘵 𝘨𝘳𝘦𝘢𝘵𝘦𝘳 𝘳𝘪𝘴𝘬. 𝘛𝘩𝘪𝘴 𝘪𝘴 𝘶𝘯𝘢𝘤𝘤𝘦𝘱𝘵𝘢𝘣𝘭𝘦 𝘢𝘯𝘥 𝘴𝘩𝘰𝘶𝘭𝘥 𝘯𝘦𝘷𝘦𝘳 𝘩𝘢𝘱𝘱𝘦𝘯.”
Nahibaluan nga ginpakigbahin sang BFP Iloilo City nga pasakaan nila ang mga indibidwal nga nagbuno sa ila fire hose nga nagtuga gid sa ila sang huol sa pagpalong sa nasambit nga sunog.
