Ginpangunahan ni First Lady Louise ”Liza” Araneta-Marcos ang pagpanagtag sang bulig para sa mga biktima sang Severe Tropical Storm Kristine sa probinsya sang Batangas.
Nagpabutyag man sang simpatiya si Marcos sa indi maisip nga mga pamilya nga nagakasubo sa pagkadula sang ila mga pinalangga sa kabuhi.
Naghatag man sang bulig si First Lady Liza Marcos sa mga namatyan nga pamilya, kon sa diin, 61 ang mga napatay sa pagsalakay sang Severe Tropical Storm Kristine sa Talisay, Batangas.
Ginsugodan ang nasambit nga pagtililipon paagi sa isa ka santos nga misa. Nagtambong man sanday Department of Social Welfare and Development Undersecretary Pinky Romualdez, Undersecretary Diana Cajipe, Governor Hermilando Mandanas, Vice Governor Mark Leviste, pila ka Board Members, kag provincial government staff.
Kalakip sa mga nagtambong nga mga alkalde sanday Mayor Atty. Cinderella Valenton-Reyes, upod sanday Vice Mayor Daniel Reyes, Mayor Ian Alilio kag Mayor Nestor Natanauan.
Nahibaluan nga si Kristine (international name: Trami), nga yara sa sulod sang Philippine Area of Responsibility halin Oktubre 21 tubtob 25, nagtuga sang masobra isa ka gatos ka fatalities kag halos P6 billion nga kahalitan sa imprastraktura kag agrikultura sang pungsod.
