ILOILO CITY – Natalana nga pasakaan sang kaso subong nga adlaw ang fish vendor nga nagbuno-patay sa isa ka retired army sa Zone 15, Calaparan, Arevalo, Iloilo City.
Ang biktima amo si Joebert Bodiola, 63, samtang ang suspek amo si Mark Losana, 35.
Sa interview sang Bombo Radyo kay Police Captain Resty Labasteda, hepe sang Arevalo Police Station, iya ginpahayag nga ginahulat na lamang nila ang resulta sang autopsy examination.
Dugang pa niya, antes mapatay ang biktima, nakamuno pa ini sa iya asawa nga si Losana ang nagbuno sa iya.
Dugang pa niya, may yara man sang witness nga nakakita mismo sang krimen.
Kung balik-balikan, naga-inom si Losana sa higad sang dalan sang naglabay ang biktima sakay sa iya salakyan kag nagpabati-bati ang suspek.
Nagbaisay ang duha kag sang nagbiya si Bodiola, ginsunod ini sang suspek kag ginbuno sang masobra duha ka beses.
Gindala pa sa ospital ang biktima apang wala na natabangan.
Nadakpan naman ang suspek kag preso na subong sa Arevalo Police Station.
