ILOILO CITY – Nagkinagual ang mga fish vendors sa Iloilo Fish Port Complex matapos ginkibot sang mandatory nga pagpakita sang test result sang Reverse Transcription Polymerase Chain Reaction (RT-PCR) test bag-o makasulod sa fishport.
Sa interview sang Bombo Radyo kay Myrna Soriano, isa ka fish vendor, iya ginpahayag nga naglibog ang iya nga ulo matapos mahibaluan nga mapaidalom pa siya sa duha tubtob tatlo ka adlaw nga home quarantine agud hulaton ang resulta sang swab test.
Sa tion nga may yara na sang dokumento nga nagapamatuod nga negatibo sa COVID-19, dira na kag mahimo sila makasulod sa nasambit nga lugar.
Sa interview sang Bombo Radyo kay Dr. Justo Anaquita, spokesperson sang Iloilo Fish Port Complex, iya ginpahayag nga magapatigayon sila sang on the spot swab testing sa mga primary target sang COVID-19.
Suno kay Anaquita, katuyuan sang protocol amo nga malikawan ang pagsaka sang kaso sang COVID-19 ilabi na sa mga baligyaan sang isda.
Nahibaluan nga isa ang Iloilo Fish Port Complex sa una na nga ginkabig hotspot areas sa syudad bangud sang lapnagon nga COVID-19 transmission.
