ILOILO CITY – Na-rescue sang Philippine Coast Guard (PCG) ang nagkapan nga sakayan pandagat sa baybayon sang Calumpang, Molo, Iloilo City.
Suno kay Lieutenant Commander Ramil Palabrica, Coast Guard Iloilo station sommander, ila nga na-rescue ang tatlo ka mga crew kag ang kapitan sang motorbanca.
Ini amo sanday Melvin Pompirada, 37, nga boat captain kag mga crew sini nga sanday Joe Russel Sumagaysay, 20; Melfred Pompirada, 32; kag Emilio Pompirada, 32; lunsay residente sang Brgy. Calumpang Miraculous Zone 6, Molo Iloilo City.
Ang mga ini ang nagapangisda sang ginhampak sang dalagko nga balod ang ila sakayan, rason nga nagkapan ini.
Sa subong, yara na sa maayo nga kondisyon ang mga mangingisda.