ILOILO CITY – Indi upang ang ginapatuman nga Enhanced Community Quarantine sa pag-angkon sang healthy lifestyle.
Sa Good Monring Philippines program, ginpahayag ni Georey Bucana, fitness instructor, nga bisan sa balay lang, mahimo sa gihapon nga maka-ehersisyo.
Suno kay Bucana ang pagpabilin nga physically fit ang makabulig agud nga mapahilayo sa balatian kag bangud sa hilig sa pagsaot, nadesisyunan niya nga tutukan na lang ang pagpatigayon sang zumba class sa baylo nga magpadayon sa body buidling.
May yara sang tatlo ka phase nga dapat sundon agud nga indi mamag-o ang lawas sa exercise routine kag ini ang ginalakipan sang warm-up, toning kag cooling down.
Importante suno kay Bucana ang warm-up ilabi na sa mga bag-uhanon agud nga maanad ang lawas sa physical activities samtang ang toning naman amo ang exercise nga ginahimo para sa development sang physique kag ang cooling down naman amo ang phase kun sa diin amat-amat nga ginapakalma ang muscles.
Para sa mga newbie, mahimo nga mag-exercise sa sulod sang 45 ka minutos tubtub sa 1 ka oras sa sulod sang isa ka adlaw.
