ILOILO– Nagakadapat nga gamitun ang flag ceremony sang Iloilo Provincial Capitol sa pag-update sa mga empleyado kun ano ang mga ginahimo kag aktibidad sang Iloilo Provincial Government.
Sa interview sang Bombo Radyo kay Iloilo Governor Arthur Defensor Jr, iya ginpahayag nga importante nga makahibalo ang tanan sa development sa kapitolyo.
Suno kay Defensor, sang huwebes nga adlaw, nagtambong siya sa Visayan Island Update Forum, sa diin gin-update sila sa estado sang task force to end local communist armed conflict, kag iya nahibaluan nga indi lang ini task force para tapuson ang problema sa komunismo, kundi paagi man agud mahatag sa pumuluyo ang mga programa para sa mas maayo nga ekonomiya.
Magluwas diri, sa masunod nga bulan suno kay Defensor, igacomply na sang Iloilo Provincial Government ang ease of doing business bangud makapamaayo ini para sa probinsya.
Nagapangabay man siya sa mga empleyado nga kun may yara sang kadtuan nga seminars, dapat ipahibalo pinaagi sa flag ceremony kun ano nga mga best practices ang ila natun-an, agud magamit man sa adlaw-adlaw nga tanan.
