Gin updan sang mga veterans ang flag raising kag wreath laying ceremony nga ginhiwat sa Balantang Memorial Cemetery National Shrine sa Barangay Quintin Salas, Jaro, Iloilo City bilang pag-komemorar sang ika-77th nga anibersaryo sang Liberation of Panay.
Sa interview sang Bombo Radyo kay Col. Hannibal Lipardo, Regional President sang Veterans Federation of the Philippines (VFP) Region 6, iya ginpahayag nga ginkalipay sang pila ka mga veterano ang ila liwat nga pagtililipon agud nga dumdumon ang kahilwayan sang Panay sa mga Hapon.
Apang suno sa natungdan, gamay lang ang nakaupod sa ila akdtibidad subong nga adlaw bangud man sa pila ka limitasyon bilang pagsunod sa COVID-19 restrictions.
Dugang pa niya, nagakadapat nga dumdumon ilabi na sang mga kabataan ang kaisug sang mga Ilonggo sa katuyuan nga ma protektahan ang isla batok sa mga mananakop.
