Ginpahayag ni Flo Water Resources Iloilo Incorporated Chairman kag Chief Executive Officer Dr. Rogelio Florete nga may ara sang mga pasilidad kag kapasidad ang iya kumpanya nga mahimo makabulig sa pagsabat sang water supply deficit sa Iloilo.
Suno kay Dr. Florete, naka-secure ang kumpanya sang water rights nga nagapasugot sa ila nga magkuha sang tubtob 50 million liters sang tubig kada adlaw halin sa surface water sources.
Pahayag man niya nga nag-invest man ang kumpanya sa treatment plant kag pipelines agud masolusyonan ang nagataas nga kinahanglanon sang tubig sa Iloilo.
Ginpakigbahin man niya nga may una nga kontrata ang Flo Water nga magsuplay sang 25 million liters sang tubig kada adlaw, apang yara lamang sa ginabulubanta 6 million liters ang ginabaton sang water district sang tion sang ila dispute.
Gin-attribute niya ini sa limitasyon sang pipeline system nga indi makabaton sang bug-os nga volume sang tubig nga sakop sang kasugtanan.
Ginpahayag man niya nga mas nagataas pa ang water demand sa Iloilo bangud sa pagdamo sang mga negosyo, hotels, hospitals, condominiums kag residential subdivisions.
Dugang pa, ginapabug-atan ni Dr. Florete nga mahimo man talupangdon ang existing facilities kag kapasidad sang Flo Water sa pagdugang sang suplay sang tubig, upod sa pagpauswag sang pipeline system agud mas madamo nga tubig ang ma-distribute kag mabaton sang mga konsumidor.
