Nagpahayag si Punong Barangay Ronela Juaniza sang Brgy. San Isidro, Jaro, Iloilo City nga indi siya sigurado kun amo gid ang flood control project sa ila barangay ang ginatumod ni Presidente Ferdinand “Bongbong” Marcos Jr. nga may problema.
Sa interview sang Bombo Radyo kay PB Juaniza, ginpabutyag niya nga diyutayan lang ang pag-awas sang suba sang nagligad nga bagyo, kag ginpangayo nga sabat kun ngaa may pag-awas pa bisan may flood control. Suno sa iya, nakabulig gid ang proyekto sa pagmitigar sang baha sa ila lugar.
Ginpahayag pa niya nga sa iya obserbasyon, epektibo ang flood control project kag wala siya sang klaro nga impormasyon kun amo ini ang ginatumod sang Presidente nga palyado.
