ILOILO CITY- Gindula nga sang Japan ang regulasyon nga naga-require sang paggamit sang floppy disks para sa mga administrative nga katuyuan.
Ini matapos ang tatlo ka tuig nga kampanya agud dulaon ang paggamit sini nga daan nga teknolohiya.
Suno kay Bombo Josel Palma, sang 2021 pa sang ginlunsar ni Digital Minister Taro Kono ang pagdula sang floppy disks apang humalin sadto, madamo gihapon nga mga negosyo ang naga- require sang official documents gamit ang amo nga storage device.
Pahayag ni Palma, matapos ang pag-review sang mga mamalidha sa tanan nga regulasyon, pagpaidalom sa komento sang publiko kag ginbotohan, natigayon nga madesisyunan ang pag-phaseout sini.
Ang floppy disks ang ginhimo sang 1960s apang nangin out of fashion sang 1990s bangud sa pag-imbento sang mas efficient nga storage solutions.
Nahibaluan nga sang 2011 pa ang ulihi nga produksyon sang floppy disks sang Sony nga amo ang pinakaulihi nga manufacturer sang device.
