ILOILO CITY – Gintambungan sang linibo nga deboto ang fluvial procession sang replika ni Señor Sto. Niño de Cebu sa syudad sang loilo.
Ang fluvial procession ang ginapatigayon subong nga hapon umpisa sa Fort San Pedro padulong sa Bureau of Customs house, malapit sa Iloilo Freedom Grandtsand kun sa diin nagserbe nga Hermana Mayor si Doña Emma Galindez-Zapanta.
Ini ang pagasundan sang solemn foot procession kun sa diin mabati-an sa Bombo Radyo ang holy rosary.
Ang mga deboto nga magapakigbahin sa solemn foot procession ang ginapanugyanan nga magdala sang transistor radio, rosarito, kandila kag imahe ni Señor Sto. Niño.
Buwas, Sabado, may patigayunon nga misa 5:00 sang hapon kag 7:00 sang gabi kag pagkatapos, may patigayunon nga grand religious sadsad.
