Flyby sang mga figter jets sa Visayas, familiarization mission – Philippine Air Force

ILOILO CITY – Ginpasiguro sang Philippine Air Force nga wala sang dapat kahangaw-an sa paglibot sang mga FA-50 fighter jets sang Pilipinas sa kahawaan sang Visayas.
Ini matapos masiplatan ang pila sa mga fighter jets diri sa Iloilo Airport.
Suno sa Air Force, nagapatigayon sang familiarization mission ang mga bag-o nga fighter jets sang pungsod nga ginhingadlan mga Fighting Eagles.
Padulungan sang mga fighter planes nga ginbakal nagikan pa sa South Korea, ang Cebu City, Mactan Island, Kalibo, Iloilo, Roxas, Bacolod kag San Carlos City.
Santo sa Philippine Air Force, pagpakita lang ini sa publiko nga nagsulod na sa supersonic era ang air assets sang pungsod.
Suno sa Philippine Air Force, indi maglupad sa manubo nga altitude ang nasambit nga mga fighter jets, sa mga populated areas.
Pagkatapos sang Visayas, sunod nga magpatigayon sang familiarization mission ang mga fighter jets, sa rehiyon sang Mindanao.