Nagnubo sang 67% ang mga focus crime sa Western Visayas humalin sang Mayo 25 tubtob sa una nga semana sang Hunyo suno sa Police Regional Office 6.
Base sa rekord sang PRO6, ini ang pinakadako nga pagnubo sa mga kaso sang homicide kag motorcycle carnapping sa rehiyon.
Suno kay Acting Regional Director PBGen Randulf T. Tuaño, iya ginpahayag nga nangin positibo ang resulta sang presensya sang kapulisan nga nagabantay sa mga nagkalain-lain nga lugar.
Pahayag pa sini nga ang pagnubo sang kriminalidad ang resulta man sang padayon nga anti-crime operations kag mabaskog nga koordinasyon sa komunidad.
Dugang pa niya, padayon nga pabaskugon sang regional police force ang ila mga operasyon agud mapadayon ang kalinong kag katawhay sa rehiyon.
Padayunon man sang mga ini ang pagpatuman sang madasig nga pagresponde sa tion sang emerhensya agud masiguro ang pagnubo sang krimen sa Western Visayas.
