ILOILO CITY – Tuman ka delikado ang fogging para sa mga may balati-an, kabataan kag mga nagabusong.
Sa pagpaathag ni Dr. Jessie Glen Alonsabe, pinuno sang Regional Epidemiology and Surveillance Unit sang Department of Health-Center for Health Development 6, iya ginpahayag nga delikado para sa ikaayong lawas ang paghaklo sang chemical nga ginabuga sang fogging machine.
Suno kay Alonsabe, nagakadapat nga maglikaw ang mga pumuluyo sa lugar sa diin may ginapatigayon nga fogging.
Ginpahayag ni Alonsabe nga ang fogging ang ginapatigayon lang sa tion nga may outbreak kag nagakadapat nga ginapahibalo ang mga pumuluyo.
Ang mga nagapatigayon sang fogging ang kinahanglan man nga ipaidalom sa training ilabi na ang tuhoy sa aproper handling sang chemical.
