Liwat nga pamatud-an sang Iloilo City ang titulo sini bilang United Nations Educational, Scientific and Cultural Organization (UNESCO) City of Gastronomy sa patigayunon nga food festival sa Dinagyang 2025 festivities.
Sa interview sang Bombo Radyo kay Mr. Jay Treñas, chairman sang Food Festival Committee, iya ginpahayag nga kahigayunan ini agud ma-showcase na naman sang mga Ilonggo ang original delicacies kag mapadayaw ang culinary heritage ilabi na sa mga dumuluong.
Suno kay Treñas, magalawig ang food festival sa mga dalanon sang syudad sa Enero 23 tubtob 26.
Pahayag niya, bastante ini nga mga adlaw agud mapakita sa mga turista ang manamit kag nanari-sari nga mga pagkaon sa Iloilo.
Dugang niya, indi lang taga-Iloilo City ang magapakigbahin sa food festival bangud magaupod man diri ang taga-probinsya agud mapasundayag man kag mapatilaw nila ang ila mga pagkaon.
