ILOILO CITY- Gin-athag ni Iloilo City Mayor Jerry Treñas nga indi kabahin sang aktibidad sang syudad para sa Dinagyang Festival ang food fest sa Festive Walk sa Mandurriao.
Sa interview sang Bombo Radyo kay Mayor Treñas, iya ginpahayag nga may regular na gid man nga ginapatigayon nga kaangay nga aktibidad sa amo nga area apang wala ginatugutan ang tuman ka damo nga numero sang tawo nga magpadulong sa lugar.
Suno sa alkalde, may yara lang sang miscommunication sa bahin sang syudad kag sang tagdumalahan sang amo nga venue.
Nagpangayo naman sang pasaylo ang alkalde bangud sa natabo.
Matandaan nga bangud sa pagdagsa sang mga tawo sa lugar kagab-i, gilayon nga ginmando sang alkalde ang dispersal sang mga tawo sa lugar.
Sa subong, tun-an sang Iloilo City Government ang posible nga pagdagdag sang sanction sa tagdumalahan sang venue sang amo nga food fest.
