ILOILO CITY– Indi na kinahanglan nga magpakita pa sang food pass ang mga nagadeliver sang goods pasulod sa Probinsya sang Iloilo bangud sa ginapangatubang nga krisis sang syudad sa coronavirus disease 2019 outbreak.
Sa interview sang Bombo Radyo kay Public Safety and Transportation Management Office head Jeck Conlu, iya ginpahayag nga sa subong nga tion sang krisis, wala na ginapadugayan pa kag ginapabudlayan ang pagpasulod sang suplay sang pagkaon bangud ini ang ginakinahanglan sang mga pumuluyo.
Suno kay Conlu, bangud ini ang kinahanglanon ini man ang rason kun ngaa may yara sang fast lane sa tagsa ka mga checkpoint agud indi na madelay pa ang delivery.
Pahayag pa sang natungdan, na-apela siya sa mga kabanwahanan sa probinsya nga kuntani, pahalugan man ang pagsulod kag pagwa sang delivery sa tagsa nila ka mga banwa bangud ini ang labing mas kinahanglanon sang mga pumuluyo.
