ILOILO CITY – Apisar malayo ang ginkuha nga degree sa kolehiyo sang bar passer nga si Jewenyl Elaiza Calimpong, wala ini nangin upang agud magpadayon sa law school.
Ini bangud nakatapos si Calimpong sa kurso nga Bachelor of Science in Food Technology sa University of the Philippines – Miag-ao.
Sa interview sang Bombo Radyo kay Calimpong, nga tumandok sang Ajuy, Iloilo, iya ginpahayag nga resulta sang “boredom” ang iya rason kun ngaa nagpadayon ini sa pag-eskwela sang law.
Suno kay Calimpong, antes pa man ini magsulod sa law school, wala ini nalipay sa iya trabaho rason nga nagkuha ini sang exam sa Philippine Law School Admission Test kag National Medical Admission Test nga lunsay niya napasaran.
Diri na kag ginpili ni Calimpong nga magpadayon sa law school.
Matapos nakapasar, plano naman ni Calimpong nga magsulod sa food manufacturing company agud magserbe bilang legal counsel agud ma-apply niya sa gihapon ang natun-an sa kurso nga Food Technology.
