Nangin masandukot ang football match sa tunga sang Kaya FC Iloilo kag Manila Diggers FC sa Philippine Football League nga ginpatigayun sa Iloilo Sports Complex.
Ini matapos man nga nagluntad ang komosyon sa tunga sang Manila Diggers kag sang referee.
Nagsugod ang amo nga hitabo matapos nga ginsulong sang player sang Manila Diggers FC ang referee kasunod sang wala gin-isip ang ila goal.
Sa interview sang Bombo Radyo kay Alfredo Cortez, goalkeeper sang Kaya FC Iloilo, iya ginpahayag nga tuman ka intense ang ila nangin game match sang Manila Diggers FC.
Suno pa sa natungdan, apisar sang pagkadismaya sang player sang Manila Diggers sa referee, ginadayaw sini sa gihapon ang nangin performance sang ila nangin kasumpong.
Indi man sini manegar nga nangin mainit ang hinampang sa umpisa tubtob nagtapos sa draw sa score nga 1-1.
