Nasarangan sang Philippine Men’s National Football Team nga makabalik sa semifinals sang ASEAN Championship matapos ginlutos ang Indonesia, 1-0, sa atubang mismo sang Indonesian fans sa Manahan Stadium sa Surakarta.
Naka-skor ang Pilipinas paagi sa penalty kick ni Bjorn Kristensen sa ika-63 nga minuto sang hampang.
Bastante na ini agud mabutang ang mga Pinoy sa ikaduha nga pwesto sa Group B.
Nagapanguna sa sini nga grupo ang Vietnam nga may tatlo ka daog kag isa ka draw.
Nagtapos naman ang Pilipinas nga may isa ka daog kag tatlo ka draw. Ang 1-1 draws sang Pilipinas ang nakuha sini sa hampang batok sa Myanmar, Laos, kag Vietnam.
Top two teams lamang ang makasulod sa semis gani nawigit ang Indonesia nga may 1-1-2 record.
Sa Disyembre 27 ang semifinal game sang Pilipinas batok sa Thailand nga amo ang nagapanguna sa Group A. Patigayunon ini sa Rizal Memorial Stadium, kag may isa pa ka hampang sa December 30 sa Bangkok.
Daku ini nga kadalag-an para sa national team sang Pilipinas bangud ulihi nga nakahampang ang mga Pinoy sa ASEAN Championship semis sang 2018.
