Liwat nga magaatubangay ang Pilipinas kag ang powerhouse team sang Vietnam sa group stage sang women’s football tournament sa 32nd Southeast Asian Games sa Cambodia sa masunod nga bulan antes pareho magpadayon sa kumpetisyon sa World Cup.
Kasunod sang draw sini nga semana, lunsay nagtupa sa Group A ang Plipinas kag Vietnam kun sa diin ila man makaupod ang Myanmar, Malaysia kag Indonesia samtang sa Group B naman amo ang Thailand, Cambodia, Singapore kag Laos.
Madugay na nga nagabalabag sa isa kag isa ang duha ka mga pungsod sa kumpetisyon — lakip na ang paglutos sang Vietnam sa Filipinas sa semifinals sang 31st Southeast Asian Games kag amo ang nagdala-pauli sang kampyeonato.
Nagtimalos naman ang Filipinas sa ASEAN Football Federation Women’s Championship bangud ini naman ang naglutos sa Vietnam sa semifinals kag Pilipinas man ang ginkoronahan nga champions sa amo nga kumpetisyon.
Maga-umpisa ang football tournament sa Abril 29 — isa ka semana antes pa man ang pormal nga pagbukas sang regional games sa Mayo 5. ##
