𝗖𝗘𝗕𝗨 𝗖𝗜𝗧𝗬 —Positibo sa gihapon ang Western Visayas nga mabawi ang kampyonato sa masunod nga tuig sa Palarong Pambansa matapos nga malutos sang National Capital Region (NCR) ang football team – secondary boys.
Sa interview sang Bombo Radyo kay Francis Roy Bacuna, Coah sang Football Team sang Western Visayas, iya ginpahayag nga iya ginpahayag nga kumpiyansa kontani sila sa una nga bahin sang hampang, apang sa pagpadayon, ginswerte ang National Capital Region rason nga nakalagas sa ila nga score.
Suno kay Bacuna, isa gihapon ka madinalag-on nga tion kag bugal ang makalab-ot ang ila nga team sa Palarong Pambansa kag marepresentar ang Western Visayas sa bug-os nga pungsod.
Ginpahayag man sini nga out 17 teams sa palarong Pambansa sa amo nga patag sang pahampang, proud sila nga yara sa finals ang ila nga team.
Ginpabugal man sini nga proud siya nga mangin coach sang mga talentado nga student-athlete sang Western Visayas.
Dugang sang natungdan nga ginhatag nila ang tanan nga pwersa sa technical and tactical aspects sang hampang kag tinghuwaan nila nga doblehon ang effort sang team agud nga makahampang liwat sa masunod nga Palarong Pambansa.
Ginpahayag naman sang captain ball sang Football Team sang Western Visayas nga isa ka dungog nga mangin isa ka key player nga irepresentar ang rehiyon.
Suno kay Lijah Raj Pabalate, na-pressure sila sa una nga first half sang hampangb rason nga nakaduha sila sang puntos batok sa ila nga kontra nga National Capital Region.
Apang, sa pagsulod sang bag-o nga quarter, naglagas ang National Capital Region kag naka-score man sang duha ka puntos tubtob nga nalutos na ang ila nga team.
Gin-ako man sini nga na-aticipate nila nga sa 2nd half ang solid nga defense apang wala nila nadependesahan ang ila nga score.
Dako naman ang iya nga pagpasalamat sa iya nga coach, sa mga opisyal, ginikanan, kag mga abyan niya nga nagsuporta sa ila sugod sang sila ang nag-umpisa.
