ILOILO – Wala sang ginapili nga lugar ang pagkabaganihan.
Ini ang ginpakigbahin sang isa anay ka miyembro sang Philippine Army nga subong nagaserbe bilang commandant sang Reserve Officers’ Training Corps (ROTC) sang Passi City College kag West Visayas State University – Pototan Campus.
Sa interview sang Bombo Radyo kay Retired Colonel Noel Parcon, iya ginpahayag nga bisan residente siya sang Pototan, Iloilo, nagpadulong gid siya sa syudad sang Passi agud mangin kabahin sang bloodletting activity.
Suno kay Parcon, ini na ang ikaapat niya nga beses nga nagdonar sang dugo — kasunod sang iya voluntary donation sa Mindoro, Pototan, kag Palawan.
Ini ang ikaduha nga Dugong Bombo nga ginpatigayon subong nga semana in partnership with “Ugyon para sa Passinhon, Dugo Ko, Kabuhi Mo” program sang local government unit kag Western Visayas Medical Center (WVMC).
Subong nga adlaw, ang Dugong Bombo ang ginpasakupan sang Reserve Officers’ Training Corps (ROTC) sang Passi City College, mga mangunguma, kag iban pa nga volunteer donors.
