Gin-athag sang Commission on Elections (Comelec) nga hugot ang pagpatuman sang liquor ban umpisa 12:01 sang kaagahon sa Mayo 11 tubtob sa tunganggabi-i sang Mayo 12 apang ini ang para lang sa mga Filipino.
Sa interview sang Bombo Radyo kay Atty. Reinier Layson, Provincial Election Supervisor, iya ginpahayag nga exempted sa ban sa makahulubog nga ilimnon ang mga foreign nationals kalakip na ang mga nagatinir sa mga establishments sang accredited.
Kaangot diri, ginsiling ni Layson nga ang mga resorts, hotels, kag restaurants ang mahimo nga mag- apply para sa certificate of exemption agud tugutan sila nga magbaligya sang ilimnon sa mga turista nga indi Pinoy.
Sa idalom sang Section 261 sang Omnibus Election Code kag nasaad man sa Comelec Resolution No. 10946, katuyuan sang liquor ban nga mahagan-hagan ang mga hitabo nga resulta sang makahulubog nga ilimnon sa eleksyon.
Sa mga establishments nga luyag mag-apply kag ma- qualify sa exemption, kinahanglan nga accredited ini sang Department of Tourism (DOT).
Dapat nga ipasa ang applications sa lokal nga mga opisina sang Comelec kag may dugang nga mga dokumento nga nagapamatuod nga naga-cater sa mga dumulong ang establishment.
Gindugang man niya nga may yara na sang mga naproseso nga applications apang wala pa ini naghatag sang dugang nga detalye.
