Iloilo – Mangin ang mga foreigner ang naga-enjoy man sa pagbisita sa Plazuela de Iloilo.
Sa interview sang Bombo Radyo kay Anthony Payne, isa ka Canadian national kag may kahagugman nga Ilongga, iya ginpahayag nga nangin talalupangdon ang eksperyensya sini sa pagbisita sa una nga bes sa Plazuela de Iloilo bangud sa katahom sini.
Suno kay Payne, nabatyagan gid niya ang pag-abi-abi sang mga Ilonggos bangud ginpamatud-an gid sang mga ini nga manami magpalangga ang isa ka Ilonggo.
Dugang pa sang natungdan, luyag pa niya tilawan ang mga putahe sang Pinoy kaangay sang adobo.
Ang pagbisita ni Payne sa Iloilo ang nagdulot sa iya sang tuman nga kalipay.
Samtang, balantayan man ang patigayunon nga Valentines Concert at the Plaza sa Pebrero 14 sa Plazuela de Iloilo.
