ILOILO CITY- Patay na sang nasapwan ang isa ka tigulang nga lalaki sa sulod sang barracks sa Brgy. Benedicto, Jaro, Iloilo City.
Ang biktima amo si Froilan Bernas, 63,residente sang Brgy. Sooc, Arevalo kag nagatrabaho bilang foreman sa gina-construct nga multipurpose building sa barangay.
May yara sang pilas tuga sang pagkabuno sa dughan kag butkon ang biktima kag may tabon sa nawong sang ini ang nasapwan sang iya kaupod sa trabaho.
Ginapatihan nga ginkawatan ini sang kwarta kag cellphone.
Ginapahayag nga may P20,000 nga kwarta ang biktima nga amo ang posible gintuyo sang wala pa makilal-an nga indibidwal nga naghimo sang krimen.
Nagapadayon pa ang imbestigasyon sa insidente.
