ILOILO – Mismo ang Commission on Elections (Comelec) Main office ang magadesisyon sa election protest ni outgoing Iloilo 4th district Cong. Ferjenel Biron matapos nagreklamo sang malutos sa gubernatorial elections sa Probinsya sang Iloilo.
Sa interview sang Bombo Radyo kay Provincial Comelec Officer Atty. Roberto Salazar, iya ginpahayag nga nagakadapat nga may yara sang form kag substance ang election protest agud maghulag ang reklamo.
Suno kay Salazar, mismo ang Comelec Main Office ang mamando kun ano nga mga precinto ukon lugar ang sakop sang election protest.
Ginpahayag ni Salazar nga ang Electoral Contests Adjudication Department (ECAD) amo ang may katungdanan sa mga ginapang file nga election protest.
