Nagtaliwan na ang 80’s matinee idol nga si Patrick Dela Rosa.
Ginkumpirma ini sang iya pamilya kag sang Provincial Information Office sang Oriental Mindoro kun sa diin nagserbe siya anay bilang board member.
As of press time, wala pa ginsapubliko sang pamilya ang rason kag iban nga detalye sa kamatayon sang 64-anyos nga former actor.
Base sa post sang misis sini nga si Arnie Bella dela Rosa, napatay si Patrick sang Domingo sang hapon sa ospital sa California, USA.
“It is with profound sadness that I announce the passing of my beloved husband, Patrick Dela Rosa, 64 years old, yesterday, October 26, 2025, at 5:25 PM at Adventist Hospital in Bakersfield, California. He will be remembered for his unwavering love, strength, and compassion. His memory will forever remain in our hearts,” pahayag sini. “We ask for your prayers and understanding as our family grieves this great loss.”
Nagpaalam man kay Patrick ang iya utod nga si Dr. Marlon Gilbert Dela Rosa: “Rest in peace Patrick, no more pain ‘tol. You are not just a brother to me but also my bestfriend. Thank you for all the memories that we share together. You are always there during my ups and down. I LOVE U brother.”
Sa probinsya naman sang Oriental Mindoro, gindumdom si Patrick bilang isa ka maayo nga public servant.
Kabahin sang ila Facebook post: “Taos-pusong nakikidalamhati ang Pamahalaang Panlalawigan sa pamilya ng namayapang si Former Board Member Patrick Dela Rosa. Maraming salamat sa iyong mga iniwang ala-ala hindi lamang sa industriya ng pag-aartista, kundi maging sa pagbibigay-serbisyo para sa mga Mindoreño.”
Sang Abril, nakasugid pa si Patrick nga nasadyahan gid ini sa iya simple nga pagpangabuhi bilang negosyante sa California matapos sini ginbayaan ang showbiz kag pulitika sa Pilipinas.
Bantog si Patrick sang 1980s kag 1990s sa pagdala sang villain roles sa nagkalain-lain nga action movies. Lakip sa mga nagtatak nga papel sini amo ang sa mga pelikula nga Kristo, Suspek, Ping Lacson: Super Cop, Sisingilin ko ng Dugo, kag Ex-Con.#
