Ginpasigurado ni former Bayan Muna Representative Teddy Casiño nga may nagahikotar na sa ila nga bahin agud maka-draft sang impeachment complaint batok kay Vice President Sara Duterte.
Sa interview sang Bombo Radyo kay Teddy Casiño, iya ginpahayag nga sigurado na nga may legal team nga nagaproseso agud madagdagan sang nasambit nga complaint ang bise-president.
Suno kay Casiño, magluwas sa pila ka grupo, si former Senator Antonio Trillanes ang may ginaprepar man nga dugang nga complaint batok kay Duterte.
Ginalantaw man sang natungdan ang mga grounds nga graft and corruption, bribery, betrayal of the public trust sa pagpanago sang bise-presidente sa ginapatigayon nga mga hearings, kag heinous crime sa pagpamahog nga ginhimo sini kay President Ferdinand Marcos, Jr., First Lady Liza Marcos, kag House Speaker Martin Romualdez.
Mahimo naman nga indi pa ma-file sa Lunes nga adlaw ang reklamo ilabi na nga madamo pa sang proseso nga dapat agyan.
Ini agud man nga masigurado nga sige-sige ang dalagan sang kaso.
Gin-athag man sini nga wala pa sang pinal nga schedule ukon adlaw kon san-o sila maka-file sang impeachment complaint.
Nagpanindugan man si Casiño nga tion na agud nga mapasabat ang natungdan bangud kon indi sini masabat, magapadayon lang ang “impunity” sa gobyerno.
